WhatsApp : வாட்ஸ்அப் Screen Share ஆப்ஷன்.. பயனபடுத்துவது எப்படி?

மெட்டா (Meta) நிறுவனத்தின் வாட்ஸ்அப் (WhatsApp) செயலியை உலகம் முழுவதும் உள்ள கோடிக்கணக்கான மக்கள் தங்களது அன்றாட வாழ்வில் பயன்படுத்துகின்றனர். தகவல் பரிமாற்றம் (Communication), பொழுதுபோக்கு (Entertainment), தகவல் சேகரிப்பு (Information Storage), குழு உரையாடல் (Group Conversation) உள்ளிட்ட பல சேவைகளை வாட்ஸ்அப் வழங்கி வரும் நிலையில், அது பலருக்கும் மிகவும் பயனுள்ளதாக உள்ளது. பெரும்பாலான நிறுவனங்கள் தங்களது ஊழியர்களுடன் உரையாடுவதற்காக இந்த செயலியை பயன்படுத்துகின்றன.

பல்வேறு சிறப்பு அம்சங்களை கொண்டுள்ள வாட்ஸ்அப்

தற்போதைய காலக்கட்டத்தில் வாட்ஸ்அப் இல்லாத நபர்களையே பார்க்க முடியாது. அந்த அளவிற்கு பொதுமக்களின் வாழ்வியலோடு வாட்ஸ்அப் ஒன்றினைந்துள்ளது. வாட்ஸ்அப் உள்ள சிறப்பு அம்சங்களில் குறிப்பிடத்தக்கது தான் இந்த வாட்ஸ்அப் ஸ்கிரீன் ஷேர் (WhatsApp Screen Share). இந்த அம்சம் பயனர்களுக்கு ஒரு வரப்பிரசாதமாக உள்ளது. காரணம், குழு உரையாடல்களில் மட்டுமே உள்ள இந்த அம்சம் வாட்ஸ்அப்பிலும் உள்ளதால் எளிதாக எந்த ஒரு ஆவணத்தையும் பகிரவும், அது குறித்து விளக்கவும் முடியும். இத்தகைய பல சிறப்புகளை கொண்ட இந்த அம்சத்தை எப்படி பயன்படுத்துவது என்பது குறித்து பார்க்கலாம்.

வாட்ஸ்அப் ஸ்கிரீன் ஷேர் அம்சத்தை பயன்படுத்துவது எப்படி?

மொபைல் போன்

1. மொபைல் போனில் இந்த ஸ்கிரீன் ஷேர் அம்சத்தை பயன்படுத்த நீங்கள் முதலில் ஒருவருக்கு வீடியோ கால் (Video Call) செய்ய வேண்டும்.
2. பிறகு ஸ்கிரீனை கிளிக் செய்து கீழே கொடுக்கப்பட்டுள்ள ஐகானை (Icon) கிளிக் செய்ய வேண்டும்.
3. அதற்கு பிறகு நீங்கள் உங்கள் திரையை பகிர்வதற்கு உறுதி அளிக்க ஒரு குறுஞ்செய்தி தோன்றும்.
4. நீங்கள் அதனை ஏற்ற பிறகு மூன்று நொடிகளுக்குள் உங்களது ஸ்கிரீன் மற்றவர்களுக்கு தெரிய தொடங்கும்.
5. அதனை பயன்படுத்தி நீங்கள் எதனை பகிர விரும்புகிறீர்களோ அதனை பகிரலாம்.
6. நீங்கள் ஷேரிங்கை நிறுத்த விரும்பினால் திரையை கிளிக் செய்து ஸ்டாப் (Stop) என்ற பட்டனை கிளிக் செய்தால் ஷேர் செய்வது நிறுத்தப்படும்.

டெஸ்க்டாப்பில் ஷேர் செய்வது எப்படி?

1. நீங்கள் டெஸ்க்டாப்பில் (Desktop) ஷேர் செய்ய வேண்டும் என்றால், டெஸ்க்டாப்புக்கு ஏற்ற செயலி உங்களிடம் இருக்க வேண்டும்.
2. ஸ்கிரீனை பகிர்வதற்கு வீடியோ கால் செய்ய வேண்டும்.
3. பிறகு ஷேர் (Share) ஐகானை கிளிக் செய்து உங்கள் ஸ்கிரீனை ஷேர் செய்யலாம்.
4. அப்போது உங்களுக்கு முழு ஸ்கிரீனையும் பகிர வேண்டுமா அல்லது பகுதியாக பகிர வேண்டுமா என்பது கேட்கப்படும்.
5. அதனை தேர்வு செய்து ஷேர் செய்யலாம்.
6. மொபைல் போனில் செய்தவதை போலவே டெஸ்க்டாப்பிலும் ஸ்டாப் என்பதை கிளிக் செய்து நிறுத்திக்கொள்ளலாம்.

மேற்குறிப்பிட்ட இந்த நடைமுறைகளை பின்பற்றி சுலபமாக மொபைல் போன் மற்றும் டெஸ்க்டாப்பில் வாட்ஸ்அப் ஸ்கிரீன் ஷேர் செய்யலாம் என்பது குறிப்பிடத்தக்கது.