Yellow Teeth: மஞ்சள் நிற பற்களால் சிரிக்க சங்கடமா..? இந்த பொருட்கள் 5 நிமிடத்தில் சரிசெய்யும்!

மஞ்சள் பற்கள் சரிசெய்யும் முறை

புன்னகை, சிரிப்பு (Smile) இவை வெளியில் எவ்வளவு அழகை கொடுக்கிறதோ, மனதிற்கு அவ்வளவு ஆரோக்கியத்தையும் தருகிறது. ஆனால், சிரிக்கும்போது உங்கள் மஞ்சள் பற்கள் (Yellow Teeth) தெரிந்தால், இது உங்கள் ஆளுமையை பலவீனமாக்கும். சில நேரங்களில் தினமும் பற்களை நன்கு சுத்தம் செய்த பிறகும், பற்கள் மஞ்சள் நிறமாகவே இருக்கும். அப்படிப்பட்ட சூழ்நிலையில், உங்கள் பற்கள் எவ்வளவு சுத்தம் செய்தாலும் மஞ்சள் நிறமாகவே காட்சியளித்தால், மருத்துவரிடம் அதிக பணம் கொடுத்து சுத்தம் செய்ய வேண்டிய கட்டாயம் ஏற்படும். இப்படி அதிக தொகையை செலவழிக்காமல் வீட்டில் இருக்கும் சில பொருட்களை பயன்படுத்தி மஞ்சள் பற்களை எளிதாக சுத்தம் செய்யலாம். அதன்படி, வீட்டில் அமர்ந்திருக்கும்போதே வெறும் 5 நிமிடங்களில் உங்கள் பற்களின் மஞ்சள் நிறத்தை எளிதாக சுத்தம் செய்ய முடியும்.

பேக்கிங் சோடா:

பேக்கிங் சோடா லேசான சிராய்ப்புத்தன்மை கொண்டது. இது பற்களை சேதப்படுத்தாமல் மேற்பரப்பில் உள்ள கறைகளை நீக்கும். அதன்படி, பேக்கிங் சோடாவை தண்ணீர் அல்லது எலுமிச்சை சாறுடன் கலந்து பேஸ்ட் செய்து, பின்னர் அதை பல் துலக்கும் பிரஸ் கொண்டு தேய்த்தால் பல் வெள்ளை நிறமாக மிளிரும்.

தேங்காய் எண்ணெய்:

உங்கள் பற்கள் மீது தேங்காய் எண்ணெயை சுமார் 10-15 நிமிடங்கள் பிரஸை கொண்டு தேய்க்கவும். இது வாயில் இருக்கும் பாக்டீரியாக்களை அகற்றும். மேலும், பற்களை வெண்மையாக்கும். இது ஒரு ஆயுர்வேத மருத்துவ முறையாகும். தேங்காய் எண்ணெய் வாய் ஆரோக்கியத்தை மேம்படுத்தவும் உதவி செய்கிறது.

ஆரஞ்சு தோல்:

ஆரஞ்சு தோலை இயற்கையாகவே பற்களில் கறைகளை நீக்கி வெண்மையாக்கும். ஆரஞ்சு தோலின் உட்புறத்தில் டி-லிமோனீன் உள்ளது. இது பற்களை வெண்மையாக்க உதவி செய்யும். தினமும் சில நிமிடங்கள் ஆரஞ்சு தோலை பற்களில் தேய்ப்பதன் மூலம் மஞ்சள் கறை நீங்கும்.

கரித்தூள்:

பழங்காலத்தில் கரித்தூள் கொண்டே மக்கள் பற்களை தூய்மைப்படுத்தி கொண்டார்கள். கரி பற்களின் மஞ்சள் தன்மையை நீக்குவது மட்டுமல்லாமல், தீங்கு விளைவிக்கும் நச்சுகளையும் நீக்குகிறது. இதையடுத்து, இயற்கையாகவே பிரகாசமான பற்களைப் பெற செயல்படுத்தப்பட்ட கரி தூளைப் பயன்படுத்தி உங்கள் பற்களைத் துலக்குங்கள்.

எலுமிச்சை மற்றும் உப்பு:

எலுமிச்சையில் சிட்ரிக் அமிலம் உள்ளது. இது பற்களின் மஞ்சள் கறையை உடைக்கிறது. அதே நேரத்தில் உப்பு லேசான சிராய்ப்புப் பொருளாகச் செயல்பட்டு நிறமாற்றத்தைக் குறைக்க உதவுகிறது. இது பற்களுக்கு சேதம் விளைவிக்காமல் இயற்கையாகவே உங்கள் பற்களைப் பிரகாசமாக்கும்.

மஞ்சள்:

மஞ்சளில் அழற்சி எதிர்ப்பு பண்புகள் உள்ளன. இது பற்களை வெண்மையாக்குவதோடு ஈறுகளின் ஆரோக்கியத்தையும் மேம்படுத்துகிறது. இது பாக்டீரியா எதிர்ப்பு பண்புகளுக்கும் பெயர் பெற்றது. வாய் ஆரோக்கியத்தை மேம்படுத்த ஒரு சிறிய அளவு மஞ்சள் தூளைக் கொண்டு பல் துலக்குங்கள்.

கற்றாழை:

கற்றாழை பற்களை மென்மையாகவும் இயற்கையாகவும் வெண்மையாக்க உதவுகிறது. இது பிளேக் மற்றும் பாக்டீரியாவை எதிர்த்துப் போராடும் ஆண்டிமைக்ரோபியல் பண்புகளைக் கொண்டுள்ளது. சுத்தமான கற்றாழை ஜெல்லை நேரடியாக உங்கள் பல் துலக்குதலில் தடவி லேசாக துலக்கினால் பற்கள் வெண்மையாகவும், புத்துணர்ச்சியுடனும் இருக்கும்.