Swine Flu : பன்றிக் காய்ச்சலுக்கும் சாதாரண சளி காய்ச்சலுக்கும் என்ன வித்தியாசம்? மருத்துவர் சொல்லும் விளக்கம்
H1N1 Diagnosis : பன்றிக் காய்ச்சல் (H1N1) வைரஸ் காய்ச்சலை, சாதாரண காய்ச்சலில் இருந்து வேறுபடுத்திப் பார்ப்பது மிக முக்கியம். அதிக காய்ச்சல், வாந்தி, வயிற்றுப்போக்கு, தசைவலி போன்றவை பன்றிக் காய்ச்சலின் அறிகுறிகளாகும். அறிகுறிகள் இருந்தால் உடனடியாக மருத்துவ ஆலோசனை பெற்று H1N1 PCR பரிசோதனை செய்துகொள்ள வேண்டும்.
நாட்டில் பன்றிக் காய்ச்சல் பாதிப்பு வேகமாக அதிகரித்து வருகிறது. பன்றிக் காய்ச்சல் H1N1 வைரஸ் என்றும் அழைக்கப்படுகிறது. இந்த வைரஸ் ஒருவரிடமிருந்து இன்னொருவருக்கு வேகமாகப் பரவுகிறது. 2025ம் ஆண்டு மட்டும் இந்திய நாட்டில் 16 மாநிலங்களில் இந்த வைரஸ் பாதிப்புகள் பதிவாகியுள்ளன.பன்றிக் காய்ச்சலின் அச்சுறுத்தல் அதிகரித்து வரும் நிலையில், அதன் அறிகுறிகளை அறிந்து கொள்வது அவசியம். குறிப்பாக, H1N1 வைரஸின் அறிகுறிகளுக்கும் பொதுவான காய்ச்சலுக்கும் உள்ள வித்தியாசத்தை நீங்கள் அறிந்திருக்க வேண்டும். பன்றிக் காய்ச்சல் அறிகுறிகள் இருந்தால் எங்கு பரிசோதனை செய்து கொள்வது? போன்ற அடிப்படை விவரங்களை தெரிந்து கொள்ள வேண்டும்
முதலில் பன்றிக் காய்ச்சலின் அறிகுறிகளுக்கும் சளி, இருமல் ஆகியவற்றுக்கும் உள்ள வித்தியாசம் என்ன என்பதை அறிந்து கொள்வோம். லேடி ஹார்டிங் மருத்துவமனையின் மருத்துவத் துறையின் டாக்டர் சுபாஷ் கிரி, இது குறித்து tv9hindi க்கு பேசியுள்ளார். அவர் பல விஷயங்களை தெளிவாக விளக்கியுள்ளார்.
பன்றிக் காய்ச்சலுக்கும் சாதாரண இருமல் மற்றும் சளிக்கும் உள்ள வித்தியாசம்
சாதாரண இருமல் மற்றும் சளி பன்றிக் காய்ச்சலை விட குறைவான ஆபத்தானவை. பன்றிக் காய்ச்சலில், வயிற்று வலி மற்றும் வயிற்றுப்போக்கு போன்ற சிக்கல்கள் இருக்கும், ஆனால் சாதாரண காய்ச்சலில் இது இருக்காது. பன்றிக் காய்ச்சலில், தசைகள் சுருங்கத் தொடங்குகின்றன. பன்றிக் காய்ச்சலிலும் சாதாரண காய்ச்சலிலும், இருமல், சளி, தொண்டை வலி ஏற்படும். ஆனால் நோயாளிக்கு காய்ச்சல் இருந்து, அது 100 டிகிரிக்கு மேல் இருந்தால், அது பன்றிக் காய்ச்சலாக இருக்க வாய்ப்புள்ளது. உடனடியாக மருத்துவமனை சென்று பரிசோதனை செய்துகொள்ள வேண்டும்.
பன்றிக் காய்ச்சல் முன்பு பன்றிகளை மட்டுமே பாதித்தது, ஆனால் இப்போது அது மனிதர்களையும் பாதிக்கிறது என்று குறிப்பிட்டுள்ளார் டாக்டர் சுபாஷ். காய்ச்சல், சோர்வு, பசியின்மை ஆகியவையும் அதன் அறிகுறிகளாகும். இது நோயாளியின் சுவாசக் குழாயைப் பாதித்து, நுரையீரலைப் பாதிக்கிறது. நோயாளிக்கு சுவாசிப்பதிலும் பிரச்சனை இருக்கலாம். கோவிட் போலவே, பன்றிக் காய்ச்சலும் ஒருவரிடமிருந்து இன்னொருவருக்குப் பரவுகிறது. உங்களுக்கு அதிக காய்ச்சல், வாந்தி, வயிற்றுப்போக்கு, இருமல், சளி மற்றும் தசை வலி இருந்தால், பன்றிக் காய்ச்சலுக்கான பரிசோதனை செய்து கொள்வது நல்லது.
பன்றிக் காய்ச்சலுக்கு எங்கு பரிசோதனை செய்து கொள்வது?
உங்களுக்கு பன்றிக் காய்ச்சலின் அறிகுறிகள் இருந்தால், மருத்துவமனைக்குச் செல்லுங்கள். மருத்துவர் உங்கள் அறிகுறிகள் மற்றும் உங்களது கடந்து கால நோய் மற்றும் சிகிச்சை குறித்து கேட்டறிவார். அதன்படி காய்ச்சல் பரிசோதனை செய்யப்படும். மருத்துவமனையில், பன்றிக் காய்ச்சலுக்கான H1N1 PCR பரிசோதனை செய்யப்படும். பரிசோதனை அறிக்கை வந்த பிறகு, பன்றிக் காய்ச்சல் உறுதி செய்யப்பட்டால், நீங்கள் மருத்துவமனையில் அனுமதிக்கப்பட்டு சிகிச்சை எடுத்துக்கொள்ளப்பட வேண்டும். உங்களுக்கு பன்றிக்காய்ச்சல் முழுவதுமாக சரியாகி அடுத்த பரிசோதனையில் முழு நிவாரணம் என ரிசல்ட் வந்தால் மட்டுமே மற்றவர்களை சந்திக்க வேண்டும். அதுவரை தனிமைப்படுத்திக் கொள்ள வேண்டும் என்றார்.
