Boost Breast Milk Supply: குழந்தைக்கு சரியான அளவு தாய்ப்பால் கிடைக்கிறதா..? தெரிந்துகொள்வது எப்படி?

குழந்தைக்கு தாயின் பால் (Breast Milk) மிகவும் முக்கியமானது. குழந்தைக்கு தேவையான அனைத்து ஊட்டச்சத்துக்களும் இதில் காணப்படுகின்றன. இதனால்தான் சுகாதார நிபுணர்கள் குழந்தைக்கு 6 மாதங்களுக்கு தாய்ப்பாலை மட்டுமே கொடுக்க பரிந்துரைக்கின்றனர். இருப்பினும், பல நேரங்களில் பெண்கள் பால் உற்பத்தி குறையும் பிரச்சனையை எதிர்கொள்ள வேண்டியிருக்கிறது. அதாவது தாய்ப்பால் சுரப்பு குறைய தொடங்குகிறது. இதுபோன்ற சூழ்நிலையில், குழந்தைகள் சரியான அளவு பால் குடிக்கவில்லை என்றால் என்னென்ன அறிகுறிகள் தோன்றும்..? பால் சுரக்க (Baby feeding) என்னென்ன சாப்பிடலாம் உள்ளிட்ட விவரங்களை தெரிந்து கொள்வோம்.

குழந்தைகள் அழுதால் வீட்டில் இருக்கும் பெரும்பாலான பெரியவர்கள் குழந்தைக்கு பசிக்கு அழுகிறது என்று கூறுவார்கள். இருப்பினும், குழந்தை அழுதாலே பசிதான் காரணம் என்று அர்த்தம் இல்லை.

• சரியான அளவு குடிப்பதன் மூலம் குழந்தையின் எடை ஒவ்வொரு வாரமும் 100 முதல் 140 கிராம் வரை அதிகரிக்கிறது. குழந்தையின் எடை அதிகரிக்கவில்லை என்றால், பால் பற்றாக்குறையும் அதற்கு ஒரு காரணமாக இருக்கலாம்.
• குழந்தையின் வயிறு சரியாக நிரம்பும்போது, பிறந்த 7வது நாளிலிருந்து 24 மணிநேரத்தில் 7 முறைக்கு மேல் சிறுநீர் கழிக்கிறது என்று சுகாதார நிபுணர்கள் கூறுகிறார்கள். சிறுநீர் கழிக்கும் எண்ணிக்கை குறைவாக இருந்தால், உங்கள் குழந்தைக்கு சரியாக பால் கொடுக்கப்படவில்லை என்று அர்த்தம்.
• குழந்தை சரியான அளவு பால் குடித்தால், பெரும்பாலான நேரங்களில் மகிழ்ச்சியாகவும், மன அழுத்தமில்லாமல் இருக்கும். இருப்பினும், உங்கள் குழந்தை பெரும்பாலான நேரங்களில் அசௌகரியமாக அழ தொடங்கினால், உடனடியாக மருத்துவரிடம் அழைத்து செல்வது நல்லது.

தாய்ப்பால் சுரக்க எடுத்துக்கொள்ள வேண்டிய உணவுகள்:

வெந்தயம்

இந்த விதைகளிலிருந்து தேநீர் தயாரித்து குடிக்கலாம். அல்லது ஒரு டீஸ்பூன் வெந்தயத்தை இரவு முழுவதும் தண்ணீரில் ஊறவைத்து காலையில் சாப்பிடலாம். மீதமுள்ள தண்ணீரையும் குடிக்கவும்.

பெருஞ்சீரகம் விதைகள்

ஒரு நாளைக்கு 1-2 முறை பெருஞ்சீரகம் சிரப் அல்லது பெருஞ்சீரகம் டீயை உட்கொள்வதும் பல நன்மைகளைத் தரும்.

சீரகம்

சமைக்கும் போது உங்கள் உணவில் சீரகத்தை சேர்க்கலாம். நீங்கள் ஒரு நாளைக்கு ஒரு முறை அல்லது இரண்டு முறை சீரக நீர் அல்லது தேநீர் குடிக்கலாம்.

எள்

நீங்கள் எள் லட்டு செய்து சாப்பிடலாம். எள் சாப்பிடுவது குழந்தைக்கு தேவையான தாய்ப்பால் உற்பத்தியை ஊக்குவிக்கும்.

அஸ்பாரகஸ்

தாய்ப்பால் கொடுக்கும் போது இது பொதுவாகப் பயன்படுத்தப்படும் மூலிகைகளில் ஒன்றாகும். ஆயுர்வேத மருத்துவரின் ஆலோசனையின்படி, நீங்கள் அஸ்பாரகஸை பொடி, நெய் அல்லது மாத்திரைகள் வடிவில் எடுத்துக் கொள்ளலாம்.

ட்ரை ஃப்ரூட்ஸ்

வால்நட்ஸ், பாதாம், முந்திரி, பிஸ்தா போன்ற உலர் பழங்களை ஒரு நாளைக்கு ஒரு முறை அல்லது இரண்டு முறை சாப்பிடலாம். ஒரு கைப்பிடி உலர்ந்த பழங்கள் போதும்.

பச்சை காய்கறிகள்

பசலைக் கீரை, வெந்தயம், கடுகு கீரைகள், சுரைக்காய், பூசணி மற்றும் பருப்பு வகைகள் போன்ற பச்சை இலை காய்கறிகள் தாய்ப்பால் விநியோகத்தை மேம்படுத்த உதவுகின்றன. கூடுதலாக, இது உங்களுக்கு போதுமான இரும்புச்சத்து, புரதம் மற்றும் நார்ச்சத்தை வழங்குகிறது.

தேங்காய்

தேங்காய் தண்ணீர் மற்றும் வெல்லம் என இரண்டையும் ஒன்றாக சேர்த்து சாப்பிடுவது தாய்ப்பால் உற்பத்திக்கு உதவுகின்றன.

ஆளி விதைகள்

உலர்ந்த வறுத்த ஆளி விதைகளை உணவுக்குப் பிறகு எடுத்துக்கொள்ளலாம். இது தாய்ப்பால் உற்பத்திக்கு மட்டுமிறி, வாய் புத்துணர்ச்சியூட்டியாகவும் செயல்படும்.

முருங்கை

இது மார்பகங்களில் பால் உற்பத்தியை மேம்படுத்துவதோடு, தாய் மற்றும் குழந்தை இருவருக்கும் அதிக சத்தானதாகவும் இருக்கிறது. இதன் பொடியை தண்ணீர்/தேனுடன் சேர்த்து உட்கொள்ளலாம் அல்லது உணவில் கலந்து உட்கொள்ளலாம்.