பெங்களூருவில் மனைவியால் கொல்லப்பட்ட ஓய்வுபெற்ற காவல் அதிகாரி? பரபரப்பு தகவல்

ஓம் பிரகாஷ்

பெங்களூரு, ஏப்ரல் 20:  ஓய்வுபெற்ற காவல்துறை இயக்குநர் ஓம் பிரகாஷ் (68) படுகொலை செய்யப்பட்ட சம்பவம் பெரும் பரபரப்பை ஏற்படுத்தியிருக்கிறது. பெங்களூருவில் (Bengaluru) உள்ள அவரது எச்எஸ்ஆர் லேஅவுட் இல்லத்தில் ஓம் பிரகாஷ் ரத்த வெள்ளத்தில் உயிரிழந்து கிடந்தார். ஓம் பிரகாஷ் அவரது மனைவியால் கொலை செய்யப்பட்டதாக சந்தேகிக்கப்படுகிறது. ஓம் பிரகாஷின் மனைவி தனது மன அழுத்தத்தில், அவரைக் கொன்று, பின்னர் காவல்துறைக்குத் (Police) தகவல் அளித்ததாகக் கூறப்படுகிறது. இந்த விஷயம் தெரியவந்தவுடன், மூத்த போலீஸ் அதிகாரிகள் சம்பவ இடத்திற்கு விரைந்து சென்று விசாரணை நடத்தினர். ஓம் பிரகாஷின் உடல் பிரேத பரிசோதனைக்காக செயிண்ட் ஜான்ஸ் மருத்துவமனைக்கு அனுப்பப்பட்டுள்ளது.

முன்னாள் ஐபிஎஸ் அதிகாரியான ஓம் பிரகாஷ், மார்ச் 01, 2015 அன்று  மாநிலத்தின் தலைமை இயக்குநர் மற்றும் காவல் ஆய்வாளராகஆக பொறுப்பேற்றார். கடந்த 1981 ஆம் ஆண்டு ஐபிஎஸ் அதிகாரியான தேர்ச்சி பெற்ற ஓம் பிரகாஷ், 38வது டிஜி மற்றும் ஐஜிபியாக பொறுப்பேற்பதற்கு முன்பு, வீட்டுக் காவல்படையின் கமாண்டர் ஜெனரல், சிவில் பாதுகாப்பு இயக்குநர் மற்றும் தீயணைப்பு மற்றும் அவசர சேவைகள் இயக்குநர் ஜெனரல் ஆகிய பதவிகளைப் வகித்தார்.

ஓம் பிரகாஷ் பீகாரின் சம்பாரண் மாவட்டத்தைச் சேர்ந்தவர். அவர் கர்நாடகா மாநிலம் பெல்லாரியில் உள்ள ஹரப்பனஹள்ளி பகுதியின் ஏஎஸ்பியாகப் பணியாற்றினார். பின்னர், அவர் மாநில விஜிலென்ஸ் கமிஷன் மற்றும் கர்நாடக லோக்ஆயுக்தாவின் எஸ்பியாகவும், சிக்கமகளூரு, ஷிவமொகா மற்றும் உத்தர கன்னடா மாவட்டங்களின் எஸ்பியாகவும் பதவி உயர்வு பெற்றார்.

கர்நாடகாவில் ஓம் பிரகாஷ் வகித்த பதவிகள்

கடந்த 1993 ஆம் ஆண்டு பட்கல் வகுப்புவாத கலவரத்தை கையாள அவர் தேர்ந்தெடுக்கப்பட்டார். அவர் டிஐஜி (நிர்வாகம்), டிஐஜி-வடக்கு மண்டலம், டிஐஜி-பயிற்சி மற்றும்  தீயணைப்பு படையில் டிஐஜி ஆக இருந்தார். மேலும் அவர் சிஐடியில் ஐஜியாக நியமிக்கப்பட்டார். மேலும் போக்குவரத்து ஆணையராகவும் பணியாற்றினார். அவர் குற்றம் மற்றும் தொழில்நுட்ப சேவைகள் துறையின் துணைத் தலைவராகவும், மனித உரிமைகள் துறையின் துணைத் தலைவராகவும் பணியாற்றினார்.

கொலைக்கான காரணம் குறித்து போலீஸார் தீவிர விசாரணை

இந்த நிலையில் ஓம் பிரகாஷ் மனைவியால் கொலை செய்யப்பட்டிருக்கலாம் என்ற தகவல் பெரும் பரபரப்பை ஏற்படுத்தியிருக்கிறது.இந்த நிலையில் அவரது மரணத்துக்கான உண்மையான காரணத்தை தெரிந்துகொள்ள உடற்கூராய்வு பரிசோதனை மேற்கொள்ளப்பட்டுவருகிறது. மேலும் தடயவியல் குழுவும் விசாரணையில் ஈடுபடுத்தப்பட்டுள்ளது. பெங்களூரு காவல் ஆணையர் பி தயாநந்த், ஓம் பிரகாஷ் அவர்களின் மகனின் புகாரின் அடிப்படையில் FIR பதிவு செய்யப்பட்டுள்ளது என்றும், இந்த கொலை விரிவான விசாரணை நடத்தப்படும் என்றும் தெரிவித்தார். கொலைக்கான காரணம் இதுவரை தெரியவில்லை. அவரது மரணம் தொடர்பாக சமூக வலைதளங்களில் பலரும் அதிர்ச்சியை வெளிப்படுத்தி வருகின்றனர்.