Odela 2 Movie Trailer : பான் இந்தியத் திரைப்படங்களில் முன்னணி கதாநாயகியாக இருந்து வருபவர் தமன்னா. இவரின் முன்னணி நடிப்பில் தற்போது மிகப் பிரம்மாண்டமாக உருவாகியுள்ள திரைப்படம் ஓடெலா 2. அதிரடி ஆக்சனில் இப்படத்தின் ட்ரெய்லர் வெளியாகி, ரசிகர்களை கவர்ந்து வருகிறது.
தமிழ் சினிமாவில் முன்னணி நடிகையாகத் திரைப்படங்களில் நடித்து வந்தவர் நடிகை தமன்னா (Tamannaah Bhatia). தற்போது இவரின் நடிப்பில் தெலுங்கில் பிரம்மாண்டமாக உருவாகியுள்ள திரைப்படம் ஓடெலா 2 (Odela 2 ). இந்த திரைப்படத்தை டோலிவுட் இயக்குநர் சம்பத் நந்தி எழுத்தில், இயக்குநர் அசோக் தேஜா (Ashok Teja) இயக்கியுள்ளார். இந்த படத்தில் நடிகை தமன்னா முன்னணி கதாநாயகியாக நடித்துள்ளார். நடிகை நயன்தாராவைப் போல இந்த படத்தில், நடிகை தமன்னா லீட் கதாநாயகியாக நடித்துள்ளார். அசோக் தேஜா இயக்கத்தில் உருவாகியுள்ள இப்படத்தை, பிரபல தயாரிப்பு நிறுவனமான மது கிரியேஷன்ஸ் தயாரித்துள்ளது. இப்படத்தில் தமன்னாவுடன் நடிகர்கள், ஹெபா படேல், வசிஷ்ட் என்.சிம்ஹா, முரளி சர்மா மற்றும் பல்வேறு பிரபலங்கள் இணைந்து நடித்துள்ளனர்.
இந்த திரைப்படமானது முற்றிலும் ஆக்சன் அதிரடி நிறைந்த, திரில்லர் திரைப்படமாக அமைந்துள்ளது. இந்த படமானது வரும் 2025, ஏப்ரல் 17ம் தேதியில் உலகமெங்கும் வெளியாகவுள்ளது. ரிலீசிற்கு இன்னும் சில நாட்கள் மட்டும் உள்ள நிலையில், இப்படத்தின் ட்ரெய்லர் வெளியாகியுள்ளது. ஆக்சன் நாயகியாக தமன்னா நடித்திருக்கும் இப்படத்தின் ட்ரெய்லர் ரசிகர்களிடையே வரவேற்பைப் பெற்று வருகிறது.