பெற்றோர்களின் விவாகரத்திற்கு பிறகு வாழ்க்கை எப்படி இருந்தது? நடிகை ஸ்ருதி ஹாசன் பேச்சு

ஸ்ருதி ஹாசன்

நடிகை ஸ்ருதி ஹாசன் (Shruti Haasan) பிரபல நடிகர்களான கமல் ஹாசன் (Kamal Haasan) மற்றும் சரிகாவின் மூத்த மகள் ஆவார். இவர்கள் இருவரும் நடிகை ஸ்ருதி ஹாசன் மற்றும் அவரது அக்‌ஷரா ஹாசன் இருவரும் குழந்தைகளாக இருக்கும் போதே விவாகரத்தைப் பெற்றனர். அதனைத் தொடர்ந்து ஸ்ருதி ஹாசன் மற்றும் அக்‌ஷரா ஹாசன் இருவரும் அவரது தந்தை கமல் ஹாசனுடன் வாழ்ந்தனர். தற்போது ஸ்ருதி மற்றும் அக்‌ஷரா இருவரும் நடிகைகளாக வலம் வருகின்றனர். இதில் ஸ்ருதி தமிழ் தெலுங்கு என தொடர்ந்து படங்களில் நடித்து வருகிறார். தற்போது இயக்குநர் லோகேஷ் கனகராஜ் இயக்கத்தில் சூப்பர் ஸ்டார் நடிகர் ரஜினிகாந்த் நடிப்பில் உருவாகியுள்ள கூலி படத்தில் முக்கிய கதாப்பாத்திரத்தில் நடிகை ஸ்ருதி ஹாசன் நடித்துள்ளார்.

நடிகர்கள் கமல்ஹாசன் மற்றும் சரிகா இருவரும் கடந்த 1988 ஆம் ஆண்டு காதலித்து திருமணம் செய்து கொண்டனர். அதனைத் தொடர்ந்து திருமண வாழ்க்கையில் ஏற்பட்ட சில சிக்கல்கள் காரணமாக அவர்கள் 2002-ம் ஆண்டு விவாகரத்தைப் பெற்று பிரிந்தனர். அவர்களின் மூத்த மகள் ஸ்ருதி ஹாசன், அவர்களின் விவாகரத்து தன்னை எவ்வாறு பாதித்தது என்பது பற்றி அடிக்கடி பேசியுள்ளார்.

சமீபத்திய பிலிம்பேர் செய்திக்கு கொடுத்த நேர்காணலில், நடிகை ஸ்ருதி ஹாசன் தனது பெற்றோரின் பிரிவும் தன்னைத் தாழ்மையாக்கியது என்று குறிப்பிட்டார். மேலும் சென்னையிலிருந்து மும்பைக்கு குடிபெயர்வது எளிதான மாற்றம் அல்ல என்று ஸ்ருதி விளக்கினார்.

நடிகை ஸ்ருதி ஹாசனின் இன்ஸ்டா பதிவு:

மும்பையில் வாழ்க்கை அவ்வளவு வசதியாக இல்லாததால், ஒரு பெரிய மாளிகையிலிருந்து இன்னொரு மாளிகைக்கு குடிபெயர்வது அவருக்குப் பிடிக்கவில்லை. இருப்பினும், அது தனக்குக் கற்றுக்கொடுத்த பாடங்களுக்கு நன்றி தெரிவிப்பதாக நடிகை ஸ்ருதி ஹாசன் தெரிவித்தார். மெர்சிடிஸ் காரில் எல்லா இடங்களுக்கும் பயணம் செய்வதிலிருந்து உள்ளூர் ரயிலில் செல்வது வரை திடீர் மாற்றமாக இருந்தது, இந்த இரண்டு பயணங்களிலிருந்தும் நாம் எவ்வாறு கற்றுக்கொள்ள முடியும் என்பதை உணர்ந்தேன் என்றும் தெரிவித்தார்.

தொடர்ந்து பேசிய அவர் காலப்போக்கில் தன்னைத்தானே மேம்படுத்திக் கொண்டதாக தெரிவித்தார். தனது தந்தை கமல்ஹாசனுடன் மீண்டும் இணைந்த பிறகு வெளிநாட்டில் இசை படிக்க முடிவு செய்ததாக தெரிவித்தார். நிதி ரீதியாக சுதந்திரமாக இருப்பது அவரது குறிக்கோளாக இருந்தது என்றும் தெரிவித்துள்ளார்.

முன்னதாக, பிங்க்வில்லா செய்திக்கு அவர் அளித்த ஒரு பிரத்யேக பேட்டியின் போது, ​​ஸ்ருதி ஹாசன் தனது பெற்றோர் எடுத்த முடிவில் தான் எவ்வளவு மகிழ்ச்சியடைந்ததாக வெளிப்படுத்தினார். “பெற்றோர்கள் விவாகரத்து பெறுவது அல்லது பிரிந்து செல்வது மட்டுமல்ல, பின்னர் வலியை உணருவதும் இதற்குக் காரணம்.

சமூகத்தின் நலனுக்காக, பெற்றோர்கள் ஒன்றாக இருக்கும் வீடுகள் உள்ளன, மேலும் சில நேரங்களில் அந்த வீடுகளில் அது மறைக்கப்படுவதால் அதிக வலி இருக்கும்” என்று அவர் வலியுறுத்தினார். அவர்கள் இன்னும் என் பெற்றோராக இருப்பதில் நான் மகிழ்ச்சியடைகிறேன், அவர்கள் தனித்தனியாக மகிழ்ச்சியாக இருந்தால், அது எங்களுக்கும் நல்லது என்று ஸ்ருதி கூறியிருந்தது குறிப்பிடத்தக்கது.