Sundar C And Vadivelu : பல்வேறு கெட்டப்களில் வடிவேலு.. கேங்கர்ஸ் படத்தின் ஸ்பாட்லைட் வீடியோ வெளியானது!
Gangers Movie Spotlight : நடிகர்கள் வடிவேலு மற்றும் சுந்தர் சியின் முன்னணி நடிப்பில் வெளியாகியுள்ள படம் கேங்கர்ஸ். இந்த படத்தை இயக்குநர் சுந்தர் சி இயக்கியிருந்தார். இந்த படமானது 2025, ஏப்ரல் 24ம் தேதியில் திரையரங்குகளில் வெளியாகியுள்ளது. அதைத் தொடர்ந்து இந்த படத்தின் ஸ்பாட்லைட் வீடியோவை படக்குழு வெளியிட்டுள்ளது.
இயக்குநர் சுந்தர் சி-யின் (Sundar C) முன்னணி இயக்கத்தில் வெளியாகியுள்ள படம் கேங்கர்ஸ் (Gangers). இந்த படத்தில் வடிவேலு முக்கிய கதாபாத்திரத்தில் நடிக்க, சுந்தர் சி முன்னணி கதாநாயகனாக நடித்துள்ளார். இந்த படத்தில் நடிகர் வடிவேலு (Vadivelu ) மற்றும் சுந்தர் சியின் காம்போ பல வருடங்களுக்குப் பின் மீண்டும் இணைந்துள்ளது. இந்த படத்தின் கதைக்களமானது முற்றிலும் காமெடி கலந்த கொள்ளை சம்பவங்களை அடிப்படையாகக் கொண்டு உருவாக்கப்பட்டுள்ளது. இந்த படத்தில் கேத்ரின் தெரேசா மற்றும் வாணி போஜன் (Catherine Teresa and Vani Bhojan) என இரு நாயகிகள் நடித்துள்ளனர். முற்றிலும் நகைச்சுவை கதைக்களத்துடன் இந்த படம் மிகவும் அருமையாக வந்துள்ளதாக ரசிகர்கள் கூறியுள்ளனர். இந்த படத்தில் நடிகர் வடிவேலு பல கெட்டப்பில் நடித்துள்ளார்.
இந்த படமானது ஹாலிவுட் தொடரான மணிஹெய்ஸ்ட் படத்தின் தமிழ் வெர்சன் போல இருக்கும் என்று இயக்குநர் சுந்தர் சியே தெரிவித்திருந்தார். இந்த படத்தின் வரவேற்பைத் தொடர்ந்து, படத்தின் படப்பிடிப்பு காட்சிகளில் நடந்த விஷயங்களைப் படக்குழு ஸ்பாட்லைட் காணொளியாகப் படக்குழு பகிர்ந்துள்ளது. தற்போது இணையதளத்தில் வெளியான இந்த வீடியோ ரசிகர்களைக் கவர்ந்து வருகிறது.
Video Credits: Moviebuff Tamil
