வித்யாசமான லுக்கில் நடிகர் ஹரிஷ் கல்யாண்… வெளியானது 15-வது படத்தின் அறிவிப்பு!

நடிகர் ஹரிஷ் கல்யாண்

நடிகர் ஹரிஷ் கல்யாண் (Harish Kalyan) நடிப்பில் உருவாகவுள்ள 15-வது படத்தின் அறிவிப்பை படக்குழு போஸ்டருடன் வெளியிட்டுள்ளது. கடந்த 2010-ம் ஆண்டு இயக்குநர் சாமி இயக்கத்தில் வெளியான சிந்துசமவெளி என்ற படத்தின் மூலம் தமிழ் சினிமாவில் அறிமுகம் ஆனார் ஹரிஷ் கல்யாண். இந்தப் படம் தான் நடிகை அமலா பாலிற்கும் (Amala Paul) அறிமுக படம் ஆகும். படம் வெளியாகி பல்வேறு நெகட்டிவ் விமர்சனத்தை பெற்றது. அதனை தொடர்ந்து சட்டப்படிக் குற்றம், சந்தாமாமா உள்ளிட்ட படங்களில் நடித்தார். ஜெய் ஸ்ரீராம் என கடந்த 2013-ம் ஆண்டு வெளியான படத்தின் மூலம் தெலுங்கு சினிமாவில் அறிமுகம் ஆனார். அதனை தொடர்ந்து தமிழில் பொறியாளன், வில் அம்பு ஆகிய படங்களிலும் நடித்துள்ளார். ஆனா படம் பெரிய அளவில் ரசிகர்களிடையே சென்றடையவில்லை.

அதன்படி பிக்பாஸ் நிகழ்ச்சிக்கு பிறகு இயக்குநர் இளன் இயக்கத்தில் பியார் ப்ரேம காதல் படத்தில் நடித்தார் ஹரிஷ் கல்யாண். இதில் நாயகியாக அதே பிக்பாஸ் சீசனில் பங்கேற்ற ரைசா வில்சன் நடித்திருந்தார். இந்தப் படத்தினை இசையமைப்பாளர் யுவன் சங்கர் ராஜா தயாரித்திருந்தார். மேலும் படத்திற்கு யுவன் தான் இசையும் அமைத்திருந்தார்.

படம் வெளியாகி சூப்பர் ஹிட் அடித்தது. அதனை தொடர்ந்து ஸ்பேடு ராஜாவும் இதய ராணியும் படத்தில் நடித்தார். இந்தப் படமும் ரசிகர்களிடம் நல்ல வரவேற்பைப் பெற்றது. மேலும் தாராளபிரபு, ஓ மனப்பெண்ணே, எல்ஜிஎம், பார்க்கிங் என சூப்பர் ஹிட் படங்களில் நடித்தார்.

மேலும் கடந்த 2024-ம் ஆண்டு இவரது நடிப்பில் வெளியான் லப்பர் பந்து படம் ரசிகர்களிடையே நல்ல வரவேற்பைப் பெற்றது. நடிகர்கள் அட்டகத்தி தினேஷ், சஞ்சனா, சுவாசிகா, பாலா, தேவதர்ஷினி, காளி வெங்கட் மற்றும் ஜென்சன் திவாகர் என பலர் நடிப்பில் வெளியான இந்தப் படம் வசூல் ரீதியாகவும் விமர்சன ரீதியாகவும் நல்ல வரவேற்பைப் பெற்றது.

நடிகர் ஹரிஷ் கல்யாண் வெளியிட்டுள்ள எக்ஸ் தள பதிவு:

இந்த நிலையில் நடிகர் ஹரிஷ் கல்யாணின் நடிப்பில் உருவாக உள்ள அவரது 15-வது படம் குறித்த அறிவிப்பை படக்குழு வெளியிட்டுள்ளது. அதன்படி தற்போது HK 15 என்று தற்காலிகமாக பெயர் வைக்கப்பட்டுள்ள அந்தப் படத்தை இயக்குநர் வினித் வர பிரசாத் இயக்க உள்ளார். இவர் முன்னதாக நடிகர் கவின் நடிப்பில் வெளியான லிஃப்ட் படத்தை இயக்கியுள்ளார் என்பது குறிப்பிடதக்கது.