Good Bad Ugly : அஜித்தின் அதிரடி நடனத்துடன்.. குட் பேட் அக்லி படத்திலிருந்து வெளியான God Bless U வீடியோ!

இயக்குநர் ஆதிக் ரவிச்சந்திரன் (Adhik Ravichandran) இயக்கத்தில் வெளியான படம் குட் பேட் அக்லி (Good Bad Ugly). இந்த படத்தில் நடிகர் அஜித் குமார் (Ajith kumar) மற்றும் திரிஷா கிருஷ்ணன் (Trisha Krishnan) முன்னணி கதாபாத்திரத்தில் நடித்திருந்தனர். அதிரடி ஆக்ஷ்ன் மற்றும் காமெடி கதைக்களத்துடன் இந்த படமானது வெளியாகியிருந்தது. அஜித்தின் ரசிகர்களின் நீண்ட நாள் எதிர்பார்ப்புடன் வெளியான இந்த படமானது, மரண ஹிட்டானது. இந்த படத்தில் அஜித்திற்கு வில்லன் கதாபாத்திரத்தில் நடிகர் அர்ஜுன் தாஸ் நடித்திருந்தார். மேலும் இந்த படத்தில் நடிகை பிரியா பிரகாஷ் வாரியர் மற்றும் அர்ஜூன் தாஸ் நடனமாடிய தொட்டுத் தொட்டு பேசும் சுல்தானா என்ற பாடல்தான் படத்தின் ஹைலைட். இந்த திரைப்படம் வெற்றிபெறுவதற்கு அதுவும் ஒரு முக்கிய காரணமாகக் கூறப்படுகிறது. இந்த படத்திற்காக இசையமைப்பாளர் ஜி.வி. பிரகாஷ் குமார் இசையமைத்திருந்தார்.

இவரின் இசையமைப்பில் இப்படத்தின் பாடல்கள் அனைத்தும் மக்களிடையே நல்ல வரவேற்பைப் பெற்றன. இந்த படத்தில் இசையமைப்பாளர் அனிருத் குரலில் வெளியான God Bless U என்ற பாடல் மக்களிடையே மிகவும் வரவேற்பைப் பெற்றது. அந்த பாடலுக்கு நடிகர் அஜித் குமார் நடனமாடியிருந்ததும் மக்களிடையே மிகுந்த வரவேற்பைப் பெற்றது. தற்போது God Bless U பாடலின் வீடியோவை படக்குழு வெளியிட்டுள்ளது.