மாதம் ரூ.1 லட்சம் சம்பாதிக்கிறீர்களா? ரூ.1 கோடி சேமிக்க ஈஸியான வழி

பலருக்கும் ரூ.1 கோடி சேமிக்க (Savings) வேண்டும் என்ற இலக்கு அசாத்தியமான ஒன்றாக தோன்றலாம். ஆனால் இது சாதாரண வருமானம் (Income) கொண்டவர்களாலும் அந்த இலக்கை அடைய முடியும் என்பது நம்புவதற்கு சிரமமாக இருக்கலாம். குறிப்பாக மாதம் ரூ.1 லட்சம் சம்பாதிக்கிறீர்கள் என்றால், நீங்கள் ஏற்கனவே அந்த இலக்கின் பாதியை எட்டிவிட்டீர்கள் என்று அர்த்தம்.  சிறந்த திட்டமிடல், நிதி ஒழுங்கு மற்றும் முதலீடு (Investment) குறித்த அறிவு இருந்தால், இந்தக் கனவை நிஜமாக்கலாம். நம் வாழ்க்கைத் தரத்தையும் பாதிக்காமல், சிறு மாற்றங்கள் மூலம் கூட நம்மை நிதி சுதந்திரத்தை நோக்கி அழைத்துச் செல்ல முடியும். என்டிடிவி பிராஃபிட் இணையதளத்தில் வெளியான கட்டுரையின் படி, நீங்கள் எப்படி திட்டமிட்டு முதலீடு செய்து, உங்கள் ரூ.1 கோடி இலக்கை அடையலாம் என்பதை முழுமையாகப் பார்க்கலாம்.

ரூ. 1 கோடி இலக்கை அடைவது எப்படி?

நீங்கள் ரூ. 1 லட்சம் சம்பாதிக்கிறீர்கள் என்றால் உங்கள் செலவுகளை சரியாக திட்டமிடுவதன் மூலம் இதனை அடையலாம். வீட்டு வாடகை, மின் கட்டணம், உணவு, போக்குவரத்து, மளிகை செலவுகள் போன்றவற்றுக்கு எவ்வளவு செலவிட வேண்டும் என்பதை நிர்ணயிக்க வேண்டும். பிறகு சேமிப்புகள் மற்றும் முதலீடுகள் குறித்து திட்டமிட வேண்டும். மேலும் பிற செலவுகளான பொழுதுபோக்கு, உணவக செலவுகள், வரவிருக்கும் சுகாதார தேவைகள் ஆகியவற்றுக்கு மாதம் எவ்வளவு செலவிடுவது என்பது குறித்து முடிவெடுக்க வேண்டும்.  மாத வருமானத்தில் 30 சதவிகிதத்தை சேமிப்புக்காக ஒதுக்க வேண்டும். உதாரணமாக உங்களுக்கு ரூ. 1 லட்சம் சம்பளம் என்றால், 30, 000 ரூபாயை சேமியுங்கள். விரைவில் இலக்கை அடைய விரும்பினால் மாதம் ரூ. 40, 000 முதல் ரூ. 50000 வரை சேமியுங்கள்.

வங்கி சேமிப்புகளில் மட்டுமே பணத்தை வைக்காமல், வளர்ச்சி அதிகமுள்ள முதலீட்டு திட்டங்களை தேர்வு செய்யுங்கள். இக்குவிட்டி மியூச்சுவல் ஃபண்டுகள் (equity mutual funds) வருடத்திற்கு 12 சதவிதம் முதல் 15 சதவிகிதம் வரை வருமானம் தரக்கூடும். ஷேர் மார்க்கெட்டில் முதலீடு செய்யலாம். சற்று அபாயம் அதிகம் எனினும் நல்ல வருமானம் கிடைக்கும். பிபிஎஃப், என்பிஎஸ் போன்ற பாதுகாப்பான திட்டங்களில் முதலீடு செய்யலாம். இவை 7 முதல் 8 சதவிகிதம் வருமானம் அளிக்கும். வரி விலக்கும் உண்டு.  ரூ.30,000 மாதம் முதலீடு செய்தால், காம்பவுண்ட் இன்ட்ரஸ்ட் மூலம் பணம் விரைவில் வளரத் தொடங்கும்.

அவசர தேவைகளுக்காக மாத செலவுகளைக் குறைத்து சேமிக்கலாம்

உங்கள் பழக்கங்களை கவனித்து, தேவையற்ற செலவுகளை குறைக்கலாம். உணவகங்கள், சினிமா, பிக்னிக் போன்றவற்றில் கட்டுப்பாடு விதித்துக் கொள்ளுங்கள். வருடத்தில் ஒரு முறை மட்டும் சுற்றுலா போன்றவற்றிற்கு திட்டமிடுங்கள். தற்காலிக தேவைகளுக்கு ஆன்லைனில் ஆர்டர் செய்வதை தவிர்க்கவும்.  உங்கள் மாத செலவுகளுக்கான 3 முதல் 6 மாத வரையிலான பணத்தை எமர்ஜென்சி ஃபண்டாக சேமியுங்கள். வேலை இழப்பு அல்லது மருத்துவ அவசரங்களை எதிர்கொள்ள இது மிகவும் அவசியம்.

எவ்வளவு காலத்தில் ரூ.1 கோடி இலக்கை அடைய முடியும்?

உதாரணமாக மாதம் ரூ.40, 000 முதலீடு செய்து ஆண்டுக்கு 12 சதவிகிதம் வருமானம் கிடைக்கும் என்றால்  முதல் ஆண்டு உங்களுக்கு ரூ.5.76 லட்சம் கிடைக்கும். 5வது ஆண்டில் ரூ. 34. 24 லட்சம் கிடைக்கும். 10வது ஆண்டில் ரூ. 87.92 லட்சம் கிடைக்கும். 13வது  ஆண்டில் உங்கள் இலக்கான ரூ. 1 கோடியை அடைவீர்கள்.